Waziri wa Mambo ya Ndani, Emmanuel Nchimbi (wa pili kushoto) akiwa na
Waziri wa Nchi Ofisi ya Makamu wa Pili wa Rais Zanzibar Mohamed Aboud
walipotembelea eneo la tukio leo.Picha na Adrew Chale, Zanzibar
Picha juu ni gari alilokua akitumia Paroko
wa Kanisa la Katoliki Minara Miwili
Zanzibar, Evarist Mushi leo asubuhi likiwa limegonga ukuta muda mfupi
baada ya watu wasiojuliakana kumshambulia Paroko Evarist Mushi kwa
risasi na kufariki
Sehemu
ya Waumini wakiwa wenye majozi muda mfupi baada ya kupata habari za
kifo cha Paroko wao wa Kanisa la Katoliki Minara Miwili
Zanzibar, Evarist Mush kushambuliwa na risasi na watu wasiojulikana leo
asubuhi katika gari
lake wakati akienda kuendesha ibada ya saa 3.00
Padri Cosmo Shayo(Kulia)akizungumza na viomgozi wa kanisa kuhusiana na tukio la Paroko wa Kanisa la Katoliki Minara Miwili
Zanzibar, Evarist Mush kushambuliwa na risasi na watu wasiojulikana leo asubuhi katika gari
lake wakati akienda kuendesha ibada ya saa 3.00
Picha
juu na chini Sehemu ya waumini mbalimbali wakiwa nje ya viwanja vya
hospitali ya mnazi mmoja leo asubuhi baada ya Paroko wa Kanisa la
Katoliki Minara Miwili
Zanzibar, Evarist Mush kushambuliwa na risasi na watu wasiojulikana leo
asubuhi katika gari
lake wakati akienda kuendesha ibada ya saa 3.00.Picha Adrew Chale na Othman Maulid Othman-Shirika la Magazeti ya Serikali Zanzibar
Feb
17
Katibu wa itikadi na uenezi wa ccm Nape Nnauye akizindua moja kati ya a mashina matatu aliyoyazindua leo
MWENYEKITI wa Chama Cha Mapinduzi (CCM)Mkoa wa Dar es Salaam, Ramadhan Madabida akizungumza
Waziri wa Maji Prof Jummane Maghembe akiongea
Aliyekua makamu mwenyekiti wa Bavicha Juliana Shonza akiongea
Sehemu ya umati wa wa CCM
Mfuasi mmoja wa chadema akirudisha kadi na kujiunga tena na CCM.Picha na Adamu Mzee-Idara ya itikadi na Uenezi- CCM
---
Chama Cha Mapinduzi mkoa wa Dar es salaam leo kimefanya mkutano mkubwa
wa hadhara katika eneo la Goba, ambapo wananchama 162 wamejiunga leo,
ambapo wapo wanachama wanne kutoka Chadema walijiunga hapo hapo.
Mgeni
mualikwa katika shughuli hiyo alikuwa Katibu wa NEC ,Itikadi na Uenezi,
ambaye licha ya kufungua mashina matatu ya chama, pia aliwasaidia
wakinana mama wa vikoba,shilingi milioni moja na pia kukabidhi pikipiki
kwa vijana wa goba na kuahidi zingine kuwapatia karibuni.
Katika
mkutano huo, Mtela Mwampamba na Juliana Shonza walipata nafasi ya
kuzungumza na wananchi wa Goba na kuwaambia sababu zilizofanya kukihama
Chadema,moja ni kutotenda haki na kuwa na siasa ya kibaguzi na
chuki,vurugu na uchochezi na sio kutetea watu na maendeleo.
Saumu
Kisena licha ya kufanya kazi na Chadema kwa miaka 9 lakini hajalipwa
haki zake hivyo ameshangazwa kuona haki inahubiriwa nje wakati ndani
hakuna chembe ya usawa.
Feb
17
Mbunge wa jimbo la Ubungo-Chadema na Mkurugenzi wa idara ya Habari na Uenezi -Chadema, John Mnyika
----
Kwa nyakati mbalimbali kuanzia mwezi Januari mpaka Februari 2013
pametokea matatizo ya kuharibika kwa baadhi ya mitambo na kupungua kwa
uzalishaji wa maji katika vyanzo vya mto Ruvu na hivyo kusababisha
matatizo ya maji kwa wananchi wa Jiji la Dar es Salaam na maeneo
yanayohudumiwa na Mamlaka ya Maji Safi na Maji Taka (DAWASA) katika Mkoa
wa Pwani.
DAWASA imeingia mkataba wa uendeshaji na Kampuni ya Maji Safi na Maji
Taka Dar es Salaam (DAWASCO) wa kutekeleza majukumu mbalimbali ikiwemo
kuendesha mitambo, kusimamia usambazaji wa maji na kufanya matengenezo
na kutoa taarifa kwa wananchi kuhusu huduma zinazotolewa. Aidha, DAWASCO
wanapaswa kuzingatia mikataba ya huduma kwa wateja ambayo inaitaka
kutoa taarifa kwa umma pale kunapotokea matatizo ya maji.
Kwa kuzingatia mikataba hiyo, DAWASA na DAWASCO wanapaswa kutoa
matangazo kwa umma kuhusu matatizo mapya yaliyojitokeza mwezi Januari na
Februari 2013 ili kuepusha matatizo hayo kuhusishwa na hatua ya
kuwasilishwa na kuondolewa bungeni kwa hoja binafsi niliyoiwasilisha
tarehe 4 Februari 2013 juu ya hatua za haraka za kuboresha upatikanaji
wa maji safi na ushughulikiaji wa maji taka katika Jiji la Dar es
salaam.
Kwa wakazi wa Kibamba, Kwembe, Msigani, Mbezi, Saranga na Kimara ni
muhimu wakatambua kwamba nimefuatilia na kujulishwa kwamba palikuwa na
tatizo la kupungua kwa uzalishaji wa maji katika chanzo cha Ruvu Juu
ambalo limerekebishwa tarehe 12 Februari 2013 hivyo maji yataendelea
kupatikana kwa mujibu wa ratiba ya mgawo kama ilivyokuwa awali katika
maeneo ambayo yalikuwa yakipata maji tangu mwaka 2012.
Kwa wateja ambao bado watakuwa na matatizo katika maeneo yao
wawasiliane na DAWASCO kupitia namba ya huduma kwa wateja 022 55 00 240
au 0779090904 au info@dawasco.com ili hatua za haraka ziweze kuchukuliwa.
Kwa wananchi wa Jiji zima la Dar es Salaam ambao maeneo yao yana mabomba
yanayojulikana zaidi kama mabomba ya wachina ambayo hayatoi kabisa maji
kwa miaka mingi na wale ambao maeneo yao hayana kabisa miundombinu ya
mabomba ya maji; hatua za haraka kwa upande wao zinapaswa kutokana na
utekelezaji wa hoja binafsi niliyowasilisha bungeni.
Hali hii inayoendelea hivi sasa ya DAWASA na DAWASCO kushindwa kufanya
matengenezo ya mitambo kwa wakati na kushindwa kukabiliana na upungufu
wa uzalishaji wa maji kwa ajili ya Jiji la Dar es Salaam kunathibitisha
kwamba bunge lilipaswa kujadili hoja binafsi niliyoiwasilisha bungeni.
Katika maelezo ya hoja pamoja na mambo mengine nilitaka Bunge ambacho ni
chombo chenye wajibu wa kuisimamia serikali kwa niaba ya wananchi
kurekebisha kasoro zilizopo katika utendaji na uwajibikaji wa Wizara ya
Maji na vyombo vinavyohusika na utoaji na udhibiti wa huduma ya maji.
Ifahamike kuwa majukumu ya utoaji wa huduma ya maji jijini Dar es salaam
na baadhi ya maeneo ya Kibaha na Bagamoyo yanafanywa na Mamlaka ya
Majisafi na Majitaka (DAWASA) ambayo ni mmiliki, mkodishaji na msimamizi
wa utoaji wa huduma ya majisafi na maji taka na ina wajibu wa kupanga
na kugharamia utekelezaji wa miradi ya miundombinu, kuiendeleza na
kugharamia matengenezo ya dharura na makubwa.
Mwaka 2005 DAWASA iliingia mkataba wa miaka kumi (10) wa uendeshaji na
Shirika la Maji Safi na Maji Taka Dar es Salaam (DAWASCO). Chini ya
mkataba huo majumu ya DAWASCO ni kuendesha mitambo, kusimamia usambazaji
wa maji na uondoshaji wa maji taka, kuuza maji kwa wateja , kutoa
ankara kwa wateja, kukusanya maduhuli, kulipia gharama za uendeshaji,
kutekeleza matengenezo makubwa yanayogharamiwa na DAWASA na kutekeleza
uunganishaji wa maji kwa wateja wapya kwa kutumia mfuko wa maji.
Kisheria na kimkataba DAWASA ina wajibu wa kuisimamia DAWASCO iliyoingia
nayo mkataba; hata hivyo kwa kuwa yote ni taasisi na mashirika ya umma
ambayo bodi zake na watendaji wake wakuu huteuliwa na mamlaka zile zile
na kuripoti kwa watu wale wale, hali ambayo ina athari kwenye utendaji
na uwajibikaji.
Wakati umefika sasa wa mkataba huo kati ya DAWASA na DAWASCO kuwekwa
wazi kwa umma; kufanyiwa tathmini ya miaka zaidi ya mitano iliyopita ya
utekelezaji; kufanyiwa marekebisho kwa ajili ya kipindi kilichobaki na
maandalizi kuanza ya mfumo bora unaopaswa kuanza kuandaliwa baada ya
kuisha kwa mkataba huo mwaka 2015.
Izingatiwe kuwa tarehe 10 Februari 2013 niliiwasilisha kwa wananchi na
kutoa wiki mbili kwa Waziri wa Maji kujitokeza kwa umma na kutoa majibu
aliyokwepa kuyatoa bungeni na iwapo Waziri Prof. Jumanne Maghembe
hatatoa maelezo nitaongoza maandamano ya wananchi kwenda Wizarani
kuwezesha hatua kuchukuliwa.
Imetolewa tarehe 15 Februari 2013 na:
John Mnyika (Mb)
Feb
17
Waziri
wa Mambo ya Ndani ya Nchini Dr Emmanuel Nchimbi akitoka chumba cha
habari cha makao makuu ya jeshi la polisi kilimani zanzibar baada ya
kuongea na Waandishi wa vyombo mbalimbali vya Habari leo asubuhi
kufwatia tukio la kupigwa risasi leo asubuhi Paroko wa Kanisa la Katoliki Minara Miwili
Zanzibar, Evarist Mushi na kufariki dunia,Padri Evarist Mushi alivamiwa na watu wasiojulikana akiwa njiani anaenda kuendesha misa katika
Kanisa la Mt.Theresia eneo la Mtoni Zanzibar
Waziri
wa Mambo ya Ndani ya Nchini Dr Emmanuel Nchimbi akizungumza na
Waandishi wa vyombo mbalimbali vya Habari leo asubuhi katika ukumbi wa
makao makuu ya jeshi la polisi kilimani zanzibar kutoka na tukio la
kupigwa risasi leo asubuhi kwa Paroko wa Kanisa la Katoliki Minara Miwili
Zanzibar, Evarist Mushi na kufariki dunia,Padri Evarist Mushi alivamiwa na watu wasiojulikana akiwa njiani anaenda kuendesha misa katika
Kanisa la Mt.Theresia eneo la Mtoni Zanzibar
Sehemu
ya Waandihi wa Habari wa vyombo mbalimbali Zanzibar wakimsikiliza kwa
Makini Waziri wa mambo ya ndani ya nchini Dr Emmanuel nchimbo(hayupo
picha)alipokua akitoa taarifa ya serikali kufwatia kupigwa risasi leo
asubuhi kwa Paroko wa Kanisa la Katoliki Minara Miwili
Zanzibar, Evarist Mushi na kufariki dunia,Padri Evarist Mushi alivamiwa na watu wasiojulikana akiwa njiani anaenda kuendesha misa katika
Kanisa la Mt.Theresia eneo la Mtoni Zanzibar
Feb
17
Paroko wa Kanisa la Katoliki Minara Miwili
Zanzibar, Evarist Mushi
---
Paroko wa Kanisa la Katoliki Minara Miwili
Zanzibar, Evarist Mushi amefariki dunia baada ya kupigwa risasi saa 1.00
asubuhi na kufariki kabla hajafika hospitali ya Mnazi Mmoja.
Paroko huyu amepigwa risasi akishuka katika gari
lake wakati akienda kuendesha ibada ya saa 3.00 leo.
Padri Evarist Mushi amepigwa risasi kichwani na
kufa papohapo na watu wasiojulikana akiwa njiani anaenda kuendesha misa katika
Kanisa la Mt.Theresia eneo la Mtoni Zanzibar.
Msemaji wa Jeshi Polisi Zanzibar Inspekta
Mohamed Mhina amethibitisha kutokea kwa tukio hilo na amesema kuwa padre huyo
ameuawa wakati akijiandaa kuingia kanisani akitokea kwenye gari yake ambapo
ndipo alipofikwa na umauti huo.
Jeshi la Polisi visiwani humo kupitia kwa Msemaji wake Mkaguzi wa Polisi, Mohamed Mhina limelaani mauaji hayo na na kusisitiza kuwa Jeshi limeanza msako mkali wa kuwabaini wauaji hao.
Hili ni tukio la pili kutokea Zanzibar ambapo
tukio la kwanza lilitokea kwa Padre Ambrose Mkenda kupigwa risasi na kujeruhiwa
na watu wasiojulikana.
Magari yaliyosababisha vifo hivyo vya watu tisa wakiwapo wanafunzi wa sekondari ya Chalinze mkoani Pwani
Rais
Jakaya Mrisho Kikwete akifariji ndugu, jamaa na marafiki wa familia
zilizoondokewa na watoto na wazazi kufuatia ajali ya barabarani maeneo
ya kijiji cha Kibiki, Ubena Zomozi katika mkoa wa Pwani Februari 11,
2013 iliyoua hapohapo watu wanane wakiwemo wanafunzi wa Shule ya
Sekondari ya Chalinze baada ya gari dogo aina ya Toyota Mark II
lililokuwa limebeba abiria wanane kugongana uso kwa uso na roli.Picha na IKULU
---
Rais Jakaya Mrisho Kikwete Jumamosi hii
ya Februari 16, 2015 amekwenda kuhani na kufariji ndugu, jamaa na
marafiki wa familia zilizoondokewa na watoto na wazazi kufuatia ajali ya
barabarani maeneo ya kijiji cha Kibiki, Ubena Zomozi katika mkoa wa
Pwani iliyotokea Februari 11, 2013 na kupoteza hapohapo maisha ya watu
tisa wakiwemo wanafunzi wa Shule ya Sekondari ya Chalinze baada ya gari
dogo aina ya Toyota Mark II lililokuwa limebeba abiria wanane kugongana
uso kwa uso na roli la mizigo
Familia alizokwenda kuhani na kuzifariji ni pamoja na za marehemu Hassan Erasto Kurunge (57), Maria Sadiki ((52) na mtoto wa mwaka mmoja Samweli Ismail wa kata ya Ubena.
Wengie ni marehemu Essau Enos Mwamgingo (16) , Stella Isaack Kazimoto (18), Bahati George Mbena (17) na Latifa Maneno (17)
Akiwa ameongozana na Mkuu wa Mkoa wa Pwani Mhe Mwantumu Mahiza na Mkuu
wa Wilaya ya Bagamoyo Mhe. Ahmed Kipozi, Rais Kikwete alieleza
kusikitishwa kwake kwa ajali hiyo, na kuwataka madereva wawe makini
katika kuzingatia sheria za usalama barabarani
Rais Kikwete alisikitishwa zaidi kwa taarifa kwamba gari hilo dogo
lilikuwa limebeba abiria wanane, na kuwa dereva wake ambaye pia
alipoteza maisha, hakuwa makini katika kuzingatia sheria za usalama
barabarani.
Mhe. Membe akipitia Itifaki hiyo
kabla ya kusainiwa huku Bw. John M. Haule, Katibu Mkuu wa Wizara ya
Mambo ya Nje na Ushirikiano wa Kimataifa akishuhudia.
Waziri wa Mambo ya Nje na Ushirikiano
wa Kimataifa, Mhe. Bernard K. Membe (Mb.), akiweka saini Itifaki ya
Amani na Usalama ya Nchi za Jumuiya ya Afrika Mashariki (EAC). Uwekaji
saini huo ulifanyika katika Hoteli ya New Africa, jijini Dar es Salaam.
Mhe. Membe akifafanua jambo baada ya shughuli ya utiaji saini kukamilika.
Mhe. Membe akijadiliana jambo na
Katibu Mkuu wake Bw. Haule. Mwingine katika picha ni Mhe. Pereira Ame
Silima (Mb.), Naibu Waziri wa Mambo ya Ndani ya Nchi.
Katibu Mkuu wa Jumuiya ya Afrika Mashariki, Dkt. Richard Sezibera (kulia) akijadiliana jambo na Waziri wa Ulinzi wa Uganda.
Mhe. Membe (wa pili kushoto) akiwa na viongozi wenzake wa nchi za EAC wakiwa wameshikilia Itifaki hiyo mara baada ya kusainiwa
Mhe.
Membe akifanya mahojiano na Waandishi wa Habari baada ya shughuli ya
utiaji saini kukamilika.Picha zote na Wizara ya Mambo ya Nje na
Ushirikiano wa Kimataifa
